İsrail təhlükəsizlik qüvvələri Cenin şəhərində və İordan çayının qərb sahilindəki eyni adlı fələstinli qaçqın düşərgəsində təxminən 60 saat davam edən genişmiqyaslı əməliyyat keçirib. Bu barədə İsrail Müdafiə Qüvvələrinin (IDF) mətbuat xidməti bildirib ki, hərbçilər terrorçuluq fəaliyyətində iştirakda şübhəli bilinərək axtarışda olan 60-a yaxın şəxsi saxlayıblar.
“Təxminən 60 saat ərzində təhlükəsizlik qüvvələri qaçqın düşərgəsi və Cenin şəhərində geniş və əhəmiyyətli terrorla mübarizə əməliyyatını başa çatdırıb. Təhlükəsizlik qüvvələri yüzlərlə binada axtarış aparıb, bir çox şübhəlini dindirib, onlardan 60-a yaxın axtarışda olan şəxs saxlanılaraq təhlükəsizliyə təhvil verilib. Əlavə araşdırma üçün strukturlar tərəfindən 50-dən çox müxtəlif təyinatlı silah və yüzlərlə partlayıcı qurğu, habelə terrorçuların pul vəsaitləri aşkar edilərək müsadirə edilib”, – məlumatda deyilir. “Əsgərlər həmçinin 10-dan çox yeraltı mina, partlayıcı maddələrin istehsalı üzrə 7 laboratoriya və qoşunların monitorinqi üçün nəzərdə tutulmuş 5 müşahidə məntəqəsi aşkar ediblər”, – mətbuat xidməti “terrorçu infrastrukturun bir hissəsinin məhv edildiyini” qeyd edib. (Tass)