Al Mayadeen telekanalı iddia edir ki, İsrail Hərbi Hava Qüvvələrinə məxsus təyyarələr Dəməşqin bir neçə ətrafını atəşə tutub.
Onun mənbələrinə görə, elektron müharibəyə nəzarət mərkəzi və Suriya Silahlı Qüvvələrinin helikopterlərinin yerləşdiyi hərbi aerodrom hücuma məruz qalıb. Hər iki sayt Suriya paytaxtının cənub-şərqindəki Aqraba bölgəsində yerləşir. Dəymiş ziyanla bağlı hələlik məlumat verilməyib.
Dəməşqin şimalındakı Bərzə rayonu da atəşə tutulub. Misirin “Əl-Kahirə əl-İxbariya” telekanalı hücumun 15 raketlə həyata keçirildiyini, nəticədə orada yerləşən tədqiqat institutunun bir neçə binasının dağıdıldığını iddia edir. (Tass)
