İDF-nin ehtiyatda olan əsgərləri və onların qohumları keyfiyyətli forma və zirehlərin olmamasından şikayətlənirlər. Bu barədə “The Times of Israel” məlumat yayıb.
Nəşrin müsahibəsində xidmətə çağırılan ehtiyatda olan hərbçilərin ailə üzvləri bildiriblər ki, çağırış başlayandan elə ilk günlərdə hərbi mağazalardakı müvafiq məhsullar satılıb qurtarıb. Buna görə də onlar yüksək səviyyəli qoruyucu bədən zirehləri və onlar üçün keramika lövhələr, həmçinin dəbilqə axtarırlar.
Qəzetin yazdığına görə, ehtiyatda olan hərbçilərin bəzi qohumları taktiki texnika və digər zəruri əşyalar almaq üçün pul yığmağa başlayıblar. Pul həm İsrail sakinlərindən, həm də digər ölkələrin vətəndaşlarından gəlir. Belə bir toplantının təşkilatçılarından biri deyib ki, onlar ABŞ-dan bədən zirehi, dəbilqə, dizliklər, taktiki eynəklər, nişangahlar və odlu silahlar üçün digər aksessuarlar, termal alt paltarları, dəbilqəyə quraşdırılmış fənərlər və digər uniforma əşyaları alırlar.
Qəzetin qeyd etdiyi kimi, İsrail Müdafiə Qüvvələri artıq ehtiyatda olan hərbçilərin itkin geyim əşyaları, qida və logistika məsələləri ilə bağlı məsləhətləşə biləcəyi qaynar xətt işə salıb. (Tass)