İsrail, radikal Fələstinin HƏMAS hərəkatı ilə silahlı münaqişə zamanı Fələstin kimliyini məhv etməyə və Qəzza zolağında genişmiqyaslı soyqırımı həyata keçirməyə çalışır. Bu fikri Fələstin Dövləti prezidentinin müşaviri Mahmud əl-Həbbaş deyib.
“İsrailin hazırda apardığı müharibə, ilk növbədə, Fələstin kimliyini daşıyan hər şeyi məhv etmək məqsədi daşıyır. İsrailin Baş naziri Benyamin Netanyahu, bu münaqişə zamanı Fələstin xalqına qarşı soyqırım törətməyə çalışır”- deyə o, qeyd edib.
Fələstin prezidentinin müşaviri əlavə edib ki, onun fikrincə, yəhudi dövlətinin hakimiyyəti “Fələstin xalqını ümidsizliyə sürükləməyə və bütün ümidlərini itirməyə” çalışır. Bu, İsrailin ən yaxın müttəfiqi, “İsrailin Qəzzaya təcavüzünün sona çatmasının qarşısını almaq üçün BMT Təhlükəsizlik Şurasında artıq dörd dəfə veto hüququndan istifadə edən” ABŞ-ın dəstəyi ilə həyata keçirilir”, – Əl-Həbbaş vurğulayıb. (Tass)