Livan İsrailin atəşkəsi pozmasına baxmayaraq, cənub sərhədində vəziyyətin sabitləşməsinə ümid edir. Bunu çərşənbə günü hökumətin iclasında çıxış edən respublikanın baş naziri Nəcib Mikati deyib.
“Noyabrın 27-də atəşkəsin qüvvəyə minməsindən bir həftə keçdi və biz hələ də İsrail tərəfindən atəşkəsin pozulduğunu görürük, hazırda onların sayı 60-a çatıb”, – deyə Livanın baş naziri bildirib.
O, ABŞ və Fransa ilə danışıqlar apardığını və bunun münaqişənin sona çatmasına kömək etdiyini bildirib. “İsrailin pozuntuları ilə bağlı problemin həll olunacağına dair təminat aldıq və ümid edirik ki, bu barışıq daimi sabitliyə çevriləcək”, – Mikati vurğulayıb.
Nazirlər Kabinetinin rəhbəri müharibədən sonra öz keçmiş yaşayış yerlərinə qayıdan köçkünlərə dəstək olacağını vəd edib. “Bizim borcumuz bu məsələdə təşəbbüs göstərmək və təcavüzdən zərər çəkmiş şəhər və kəndlərdə yaşayan əhaliyə kömək etməkdi. (Tass)