İsrail hərbçiləri oktyabrın 27-də axşam saatlarında Qəzza zolağının şimal hissəsinə daxil olaraq quru əməliyyatlarının ərazisini genişləndiriblər. Bu barədə brifinqdə İsrail Müdafiə Qüvvələrinin sözçüsü Daniel Həcəri məlumat verib.
“Axşam saatlarında İDF qüvvələri Qəzza zolağının şimal hissəsinə daxil olub və quru fəaliyyətini genişləndirib. Bu fəaliyyətlərə piyada, zirehli, mühəndis və artilleriya birləşmələri və intensiv atəşlə birlikdə cəlb olunub. İtkilər barədə məlumat yoxdur”, – o deyib. (Tass)