İsrail Hərbi Hava Qüvvələri İsrail ərazisinə kütləvi raket hücumuna və onlarla pilotsuz təyyarənin buraxılmasına cavab olaraq Livanın cənubundakı şiə Hizbullah hərəkatının hərbi obyektlərinə zərbələr endirib. Bu barədə İsrail Müdafiə Qüvvələrinin (IDF) mətbuat xidməti məlumat yayıb.
“İsrail Hərbi Hava Qüvvələri Livanın cənubundakı Ramya və Hula bölgələrində Hizbullahın hərbi hədəflərinə zərbələr endirib”, – hərbi bəyanatda deyilir.
Bundan əvvəl ordunun mətbuat xidməti xəbər vermişdi ki, iyulun 4-də kütləvi hücumlar zamanı Livanın şiə Hizbullah hərəkatının yaraqlıları İsrail ərazisinə 200 raket atıb və ən azı 20 pilotsuz uçuş aparatı atıblar. (Tass)