İsrail Hərbi Hava Qüvvələrinin qırıcıları Livanın cənubundakı Kfar Kila kəndi yaxınlığında şiə Hizbullah milislərinin mövqelərinə reyd keçirib.
Al Mayadeen telekanalının verdiyi məlumata görə , şiə silahlılarının forpostuna bir neçə raket atılıb. Zərbənin baş verdiyi ərazidən qalın tüstü sütunları səmaya qalxır, yanğınsöndürən və təcili yardım maşınları ora doğru gedir.
Telekanalın məlumatına görə, bu, iyulun 30-da Beyrutun cənub ətraflarında şiə milislərinin qərargahına hava hücumundan sonra İsrail təyyarələrinin Livan ərazisinə endirdiyi ilk raket zərbəsidir. Hücum zamanı Hizbullah hərbi komandiri Fuad Şokr və İranın hərbi müşaviri həlak olub. Basqın nəticəsində beş mülki şəxs, üç qadın və iki uşaq həlak olub, 74 nəfər yaralanıb. (Tass)