Son bir ayda Fələstin ərazilərində həlak olan mülki şəxslərin sayı artıq Ukraynadakı bütün münaqişə zamanı mülki əhalinin ümumi sayından çox olub. Bu sözləri Fələstinin baş naziri Məhəmməd Ştayye Qəzza zolağında humanitar vəziyyətə dair Paris konfransında çıxışı zamanı deyib.
“Bu müharibənin dayanması üçün nə qədər fələstinli ölməlidir? Hər saatda altı uşaq və dörd qadının ölməsi kifayətdirmi? 30 gündə 10 min ölüm kifayətdirmi? Bu, Ukraynada 530 gündə öləndən çoxdur. Dərmansız, susuz bir ay bəsdirmi?Cənab Prezident [Fransa Emmanuel Makron], Fələstin xalqının yaşadığı faciə bizim üçün 7 oktyabrda deyil, 75 il əvvəl başladı: qaçqın düşərgələrində, İordan çayının qərb sahilində, Qüdsdə, blokadada və Qəzza zolağında müharibə”, – Ştayye bildirib.
İsrail HƏMAS-a qarşı deyil, bütün Fələstin xalqına qarşı müharibə aparır, Ştayye əlavə edib.
PNA Qəzza zolağının cənubunda hər hansı yeni qaçqın düşərgələrinin yaradılması ehtimalını qəti şəkildə inkar edir, baş nazir aydınlıq gətirib. (Tass)