Fələstinin HƏMAS radikal qruplaşmasının İsrailə təcavüzü ideyası onun həyata keçirilməsinə icazə verib-verməməsindən asılı olmayaraq İranda formalaşıb. Bunu İsrailin müdafiə naziri Yoav Qalant amerikalı həmkarı Lloyd Ostin ilə birgə mətbuat konfransı zamanı jurnalistin HƏMAS-ın İsrailə hücumunda İranın rolunun olub-olmadığına inanırmı sualını cavablandırarkən deyib.
“İran, Hizbullah və HƏMAS eyni oxa, şər oxuna aiddir. Bütün hərəkətlər İrandan yönəldilir, oradan pul göndərilir və icazələr verilir, bütün əsas fikirlər məhz orada formalaşır. Fərqi yoxdur. Tehran [HƏMAS-ın İsraili işğal etməsinə] icazə verib-verməsə də, ideyanın özü orada formalaşıb”, – Qalant bildirib. (Tass)