HƏMAS Qəzza zolağında 137 nəfəri – 126 israilli və 11 əcnəbini girov saxlamağa davam edir. Bu barədə İsrail hökumətinin sözçüsü Eylon Levi xarici jurnalistlər üçün keçirdiyi brifinqdə bildirib.
“Həmas [dekabrın 1-i səhər saatlarında] İsrail xalqına qarşı döyüşləri bərpa etdiyinə görə, hərəkat oktyabrın 7-də törədilən qırğında əsir götürülmüş 137 nəfəri girov saxlamağa davam edir. Bunlar 126 israilli və 11 əcnəbidir”, – o deyib.
Onun sözlərinə görə, girovlar arasında “HƏMAS-ın öldüyünü dediyi 4 yaş 10 aylıq iki uşaq” var. Hazırda Qəzzada saxlanılan 137 girovdan 20-si qadındır, deyə Levi davam edib. O, həmçinin HƏMAS-ın əlində olan əcnəbilər arasında səkkiz Tailand vətəndaşı, bir Nepal vətəndaşı, bir Tanzaniya vətəndaşı və bir Fransa və Meksika vətəndaşının olduğunu açıqlayıb.
Levi əlavə edib ki, Qəzza zolağında 7 oktyabrda İsrailə hücumdan əvvəl Həmas tərəfindən əsir götürülən 4 nəfər də var. (Tass)