İsrail hakimiyyəti hesab edir ki, şiə təşkilatı Hizbullah Livanı müharibəyə sürükləməyə yaxındır və bu halda İsrail indi Qəzza zolağında etdiklərini Beyrutda etməyə hazırdır. Bu xəbərdarlığı Yəhudi Dövlətinin müdafiə naziri Yoav Qalant şimal sərhədindəki hərbi bazalardan birinə səfəri zamanı edib.
“Mən burada Livan vətəndaşlarına deyirəm: Mən artıq Qəzzada vətəndaşların sahil boyu ağ bayraqlarla gəzdiyini və cənuba doğru hərəkət etdiyini görürəm. Hizbullah Livanı başlaya biləcək bir müharibəyə sürükləyir və səhv edir. Əgər [Hizbullah] belə səhv etsə” ilk növbədə, bütün Livan vətəndaşları bunun əvəzini ödəyəcək. Qəzzada nə ediriksə, Beyrutda da edə biləcəyik”, – deyə nazir bildirib. (Tass)
