İsrail hərbçiləri Qəzza zolağının cənubundakı Rəfah şəhərinə iki həftə ərzində tam nəzarəti ələ keçirə bilər. Bu proqnozu “The Jerusalem Post” qəzeti verir.
Ordunun məlumatına görə, hazırda şəhər ərazisinin 60-70%-i əməliyyat nəzarəti altındadır, nəşr qeyd edir. İsrail ordusunun proqnozlarına görə, onların qoşunları “bir neçə həftə ərzində” Rəfah üzərində tam nəzarəti bərqərar edə bilər.
“The Jerusalem Post” yazır ki, Rəfah bölgəsində gedən döyüşlər zamanı İsrail ordusu oradakı HƏMAS silahlı qüvvələrinin yarısını sıradan çıxarıb və ən azı 550 silahlı fələstinli radikal öldürülüb.
Nəşr qeyd edir ki, bundan əlavə, ərazidəki döyüşlər zamanı İsrail əsgərləri 200-ə yaxın tunel şaftını məhv edib və HƏMAS-ın “sonuncu əsas raket inventarını” məhv ediblər. (Tass)