Yəhudi Dövlətinin xarici işlər naziri İsrael Katz İran silahlarının İordan çayının qərb sahilinə qaçaqmalçılıq yolu ilə keçirilməsinin qarşısını almaq üçün İsrailin İordaniya ilə sərhədində təcili hasar çəkilməsinin vacibliyini bəyan edib.
Katz deyib: “İrandan qabaqcıl silahların qaçaqmalçılıq yolu ilə [İordan çayının qərb sahilinə] keçirilməsinin qarşısını almaq üçün İsrail-İordaniya sərhədi boyunca tez bir zamanda təhlükəsizlik hasarı tikilməlidir”. Nazirin açıqlamalarını İsrail Xarici İşlər Nazirliyinin mətbuat xidməti yayıb.
Bundan əlavə, Katzın fikrincə, “ABŞ və Qərb ölkələri “İranın təxribatına” qarşı mübarizədə İordaniyanı dəstəkləməlidir”. “Bütün bu hərəkətlər İran rejiminə qarşı sanksiyaların sərtləşdirilməsi ilə yanaşı, qətiyyətlə və sürətlə həyata keçirilməlidir”, o əlavə edib.
Katz iddia edib ki, İran “silah qaçaqmalçılığı və terror təşkilatlarını maliyyələşdirərək və idarə etməklə” İsrailə qarşı terrorun şərq cəbhəsi yaratmağa çalışır. (Tass)