İsrailin baş naziri Benyamin Netanyahu Beynəlxalq Cinayət Məhkəməsinin (ICC) mümkün həbs qərarına məhəl qoymamalı və Qəzza zolağında radikal Fələstinin HƏMAS hərəkatına təzyiqi gücləndirməlidir. Bu fikri İsrailin milli təhlükəsizlik naziri İtamar Ben-Qvir bildirib.
“Haaqa Baş Prokurorunun [İsrailin] baş naziri və müdafiə nazirini HƏMAS liderləri ilə bərabər tutduğu bəyanatı göstərir ki, İsrail nümayəndələrinin antisemit məhkəməsinə göndərilməsi əvvəldən ciddi səhv idi. Baş nazir və müdafiə naziri antisemit prokurorun antisemit məhkəməsinə məhəl qoymamalı və HƏMAS-a qarşı hücumu tam məğlub olana qədər gücləndirmək əmri verməlidir” deyə ifrat sağçı Yəhudi Gücü partiyasına rəhbərlik edən siyasətçi X səhifəsində yazıb. (Tass)