İsrail Hərbi Hava Qüvvələri Livanın cənubundakı Nəbatiyyə şəhərinin kənarına hücum edib. Bu barədə ordunun mətbuat xidməti məlumat yayıb.
Onun məlumatına görə, hava hücumunun hədəfi şiə Hizbullah hərəkatının silahlı birləşmələrinin istifadə etdiyi hərbi obyekt olub. “Bu strukturdan İsrail Dövlətinə qarşı terror aktları planlaşdırmaq üçün çalışan bir neçə terrorçu istifadə edib”, – ordudan bildiriblər.
Bundan əlavə, bir müddət əvvəl İsrail Hərbi Hava Qüvvələri Livanın cənubundakı Əl-Xiyam şəhəri yaxınlığındakı hərbi obyektə hücum edib, mətbuat xidməti xəbər verir. (Tass)