İsrail Müdafiə Qüvvələri (IDF) humanitar məqsədlər üçün Qəzza zolağının cənubunda, Misirlə sərhədə yaxın Rafah şəhərində döyüş əməliyyatlarını dörd saat müddətinə dayandırıb. Bu barədə İsrail ordusunun mətbuat katibi Aviçai Edri məlumat verib.
“Bu gün biz Rəfəh şəhərində gün ərzində, yəni saat 10:00-dan 14:00-dək (Bakı vaxtı ilə saat 11:00-dan 15:00-a qədər olan müddətə uyğundur –) humanitar yardım məqsədilə döyüş əməliyyatlarının taktiki dayandırılmasını həyata keçirəcəyik.”, – o, ərəb dilində X sosial şəbəkəsində (keçmiş Twitter) yazıb.
Edri həmçinin bildirib ki, Qəzza zolağının şimal rayonlarının sakinlərinin təxliyyəsi üçün humanitar dəhliz yenidən yerli vaxtla saat 9:00-dan 16:00-a kimi fəaliyyət göstərəcək. Marşrut Əl-Şifa xəstəxanasından Salah ed-Din yolu ilə anklavın cənubuna doğru uzanacaq. Bundan əlavə, İsrail hərbçiləri Əl-Şati fələstinli qaçqın düşərgəsinin sakinlərinə yerli vaxtla saat 10:00-dan 16:00-a kimi oradan çıxmağa icazə verəcək və İDF sözçüsünə görə, İsrail ordusu tam nəzarəti ələ keçirib. (Tass)