İsrail təhlükəsizlik qüvvələri İordan çayının qərb sahilində gecə reydləri zamanı terror fəaliyyətlərində iştirakda şübhəli bilinərək 23 nəfəri saxlayıb. Bu barədə ordunun mətbuat xidməti məlumat yayıb.
Onun sözlərinə görə, reydlər İordan çayının qərb sahilinin müxtəlif ərazilərində həyata keçirilib. O cümlədən, Cenin şəhərində 5 şübhəli, Hebronda isə daha 7 nəfər saxlanılıb.
Bəzi hallarda həbslər zamanı silahlar götürülüb. Mətbuat xidmətindən verilən məlumata görə, saxlanılanların hamısı və onlardan götürülmüş silahlar əlavə araşdırma aparılması üçün təhlükəsizlik orqanlarına təhvil verilib.
İsrail ordusunun məlumatına görə, ötən il oktyabrın 7-dən İordan çayının qərb sahilində və İordaniya vadisində 3,7 mindən çox insan terror fəaliyyətində iştirakda şübhəli bilinərək saxlanılıb. Onlardan 1,6 mindən çoxu Fələstinin radikal HƏMAS hərəkatı ilə əlaqədə şübhəli bilinir.
(Tass)