İsrail təhlükəsizlik qüvvələri İordan çayının qərb sahilində keçirdiyi reydlər zamanı terror fəaliyyətlərində iştirakda şübhəli bilinərək axtarışda olan 56 fələstinlini, o cümlədən Qəzza zolağında hakim Həmas hərəkatının 25 fəalını saxlayıb. Bu barədə ordunun mətbuat xidməti məlumat yayıb.
Hərbçilər qeyd ediblər ki, saxlanılanlar arasında Nablus şəhərindən olan iki böyük Həmas fəalı da var.
Mətbuat xidməti əlavə edib ki, reydlər zamanı “hərbi qulluqçular tərəfindən xəsarət alanlar barədə məlumat daxil olmayıb”. (Tass)