İsrail əsgərləri Livanda şiə Hizbullah hərəkatının hədəflərinə yeni silsilə hücumlar təşkil edib. Bu barədə ordunun mətbuat xidməti məlumat yayıb.
“İsrail Müdafiə Qüvvələri Livandakı “Hizbullah” terror qruplaşmasının hədəflərinə qarşı yeni hücum dalğasına başlayıb”, – deyə bəyanatda bildirilir. Mətndə qonşu dövlətin hansı ərazilərinə zərbələr endirilməsi göstərilmir.
Bundan bir qədər əvvəl İsrail Ordusunun Baş Qərargah rəisi Herzi Halevi gün ərzində Livanda hücumların intensivliyini artırmaq niyyətində olduğunu açıqlamışdı. Onun sözlərinə görə, hərbçilər Hizbullaha fasilə vermək niyyətində deyillər. Halevinin sözlərinə görə, İsrail “mövcud vəziyyət bütün cəbhələrdə intensiv fəaliyyətin davam etdirilməsini tələb edir”.
Bu, günün əvvəlindən İsrailin Livana hücumlarının üçüncü dalğasıdır. Bundan əvvəl ordu Livanın cənubunda, eləcə də ölkənin şərqindəki Bekaa vadisində Hizbullah hədəflərinin vurulduğu hava hücumlarının ikinci dalğasının başa çatdığını elan edib. (Tass)