İsrail Hərbi Hava Qüvvələri son 24 saat ərzində Livandakı şiə təşkilatı Hizbullahın təxminən 185 hədəfinə zərbələr endirib. Bu barədə ordunun mətbuat xidməti məlumat yayıb.
Onun sözlərinə görə, onların hədəfi hərbi infrastruktur, müşahidə məntəqələri, silah anbarları, atıcı qurğular və silahlı radikalların ayrı-ayrı dəstələri olub.
Mətbuat xidməti bildirir ki, hava hücumları məhdud quru əməliyyatı çərçivəsində İsrail qoşunlarının Hizbullah silahlı birləşmələri ilə döyüşdüyü və hərbi hədəflərin aşkar edilərək məhv edildiyi Livanın cənubunda quru qoşunlarının hərəkətləri ilə eyni vaxtda həyata keçirilib. (Tass)