İsrail hərbçiləri Qəzza zolağında Cəbəliyyə əməliyyatı zamanı oktyabrın 7-də Fələstinin radikal HƏMAS hərəkatı tərəfindən qaçırılan beş girovun cəsədini aşkarlayıb. Bu barədə İsrail Müdafiə Qüvvələrinin (IDF) mətbuat xidməti məlumat yayıb.
“Cəbəliyyədə Qəzza zolağında HƏMAS-ın şimal qərargahı kimi xidmət edən və HƏMAS tərəfindən silah saxlamaq, hərəkət etmək və döyüşmək üçün istifadə edilən strateji tunellər şəbəkəsi aşkar edilib. Əməliyyat zamanı əsgərlər 5 girovun cəsədini tapıb çıxarıblar”, – məlumatda deyilir.
Mətbuat xidməti qeyd edib ki, Cəbəliyyədə “bir çox qollu iki səviyyəli [Həmas tunelləri] şəbəkəsi” aşkar edilib. “Birinci səviyyə yerin 10 metr altına, ikinci səviyyə isə on metrlərlə yerin altında idi”, – hərbçilər davam edir. “Əməliyyatdan sonra tunellər şəbəkəsi məhv edilib”, – ordu idarəsi əlavə edib. (Tass)