İsrail hərbçiləri Qəzza zolağında xüsusi əməliyyat keçirib və nəticədə 2023-cü il oktyabrın 7-dən Fələstin radikallarının girovluğunda olan 4 israilli azad edilib. Bu barədə ordunun mətbuat xidməti məlumat yayıb.
Onun sözlərinə görə, əməliyyat anklavın mərkəzi hissəsindəki Nuseyrat fələstinli qaçqın düşərgəsi ərazisində həyata keçirilib. Nəticədə dörd nəfər azad edilib: Noa Aqramani (25 yaş), Almoq Meir (21 yaş), Şlomi Ziv (40 yaş) və Rusiya vətəndaşlığı olan Andrey Kozlov (27 yaş). Ordudan verilən məlumata görə, onların hamısı sağlamdır və tibbi müayinədən keçmək üçün artıq Təl-Əviv ətrafındakı Şeba xəstəxanasına aparılıb. (Tass)