İsrail Müdafiə Qüvvələri Qəzzada 500-dən çox insanın ölümünə səbəb olan bir xəstəxanaya raket atılmasının videosunu yayıb. Müvafiq mesaj IDF-nin rəsmi Telegram kanalında dərc olunub.
Ordunun mətbuat xidməti bildirib ki, yayımlanan görüntülərdə “İslami Cihad terror təşkilatının Qəzza şəhərində Əl-Əhli xəstəxanasına hücuma səbəb olan uğursuz raket atışı” göstərilir. “IAF video görüntüləri İslami Cihad terror təşkilatı tərəfindən uğursuz raket buraxılışından əvvəl və sonra xəstəxananın ətrafındakı ərazini çəkib”, – mətbuat xidməti qeyd edir.
Bundan əvvəl İsrail ordusu Qəzzada xəstəxanaya raket hücumunun İsrail hərbçiləri tərəfindən həyata keçirildiyi barədə xəbərləri təkzib etmişdi. (Tass)
