İsrailin energetika naziri İsrael Katz bildirib ki, Qəzza zolağının cənubunda su təchizatının bərpası İsrailin baş naziri Binyamin Netanyahu ilə ABŞ prezidenti Co Bayden arasında razılaşdırılıb.
“Qəzza zolağının cənubundakı sakinlərin müəyyən bir nöqtədə su təchizatını bərpa etmək qərarı baş nazir Netanyahu və prezident Bayden arasında razılaşdırılıb, bu, bizim siyasətimizə uyğundur və bizə Qəzza zolağının görünməmiş blokadasını sərtləşdirməyə imkan verir – HƏMAS məhv edilənə qədər.” , – Kan radiostansiyası ondan sitat gətirib.
Bundan əvvəl Sky News – Arabia İsrailin Qəzza zolağının cənubunda su təchizatını bərpa etdiyini bildirmişdi. (Tass)
