İsrail Qəzza zolağında bir neçə saatlıq humanitar dəhliz açacaq. Bu barədə “The Jerusalem Post” yazır.
Qeyd olunur ki, mülki əhalinin anklavın cənub hissələrinə getməsinə icazə veriləcək. İsrail Müdafiə Qüvvələrinin (IDF) məlumatına görə, humanitar dəhliz yerli vaxtla saat 10:00-dan 13:00-dək açılacaq.
İsrail ordusu fələstinliləri təhlükəsizlik səbəbi ilə “bu müddətdən istifadə edib cənuba doğru getməyə” çağırıb.
Oktyabrın əvvəlində BMT Qəzza zolağına humanitar dəhliz açmağa çağırıb. Birləşmiş Millətlər Təşkilatının İnsan Hüquqları üzrə Ali Komissarlığının (OHCHR) rəsmi nümayəndəsi Ravina Şamdasani deyib ki, İsrailin hərəkətləri beynəlxalq hüquqa ziddir. (Tass)