İsrail Müdafiə Qüvvələrinin (IDF) aviasiyası Qəzza zolağı boyunca onlarla radikal hərbi obyektə zərbələr endirib, İsrail əsgərləri cənubda Rəfah şəhərinin şərq hissəsində və anklavın şimalında Əz-Zeytun bölgəsində döyüşür. Bu barədə ordunun mətbuat xidməti məlumat yayıb.
“İsrail Hərbi Hava Qüvvələri 24 saat ərzində Qəzza zolağında onlarla terrorçu hədəfə, o cümlədən hərbi obyektlər, raket buraxılış qurğuları, müşahidə məntəqələri və terror obyektlərinə zərbələr endirib”. “Qoşunlar Qəzza zolağının şimalında yerləşən Əz-Zeytun bölgəsində əməliyyat fəaliyyətini gücləndiriblər və burada son saatlarda yaxın döyüşlərdə bir sıra terrorçuları məhv ediblər”, – deyə mətbuat xidməti qeyd edib. Bu sahədə klinikalar içərisində hərbi personal, pulemyotlar, zirehlər və hərbi texnika tapılıb”. (Tass)
