İsrail Fələstinin HƏMAS hərəkatının üzvlərini məhv etmək üçün şəhərdə əməliyyat keçirmək üçün Qəzza zolağının cənub-qərbində çadır düşərgələri yaratmağı planlaşdırır. “The Wall Street Journa l” adı açıqlanmayan Misir rəsmilərinə istinadən yazır ki, İsrail hakimiyyəti Rəfahın anklavda Həmas-ın sonuncu qalası olaraq qaldığını qiymətləndirir.
Onların məlumatına görə, təxliyə təklifi Qəzza zolağının cənub-qərbində hər birində 25 minə yaxın çadırın yerləşəcəyi 15 düşərgənin yaradılmasını nəzərdə tutur. Ehtimal olunur ki, Misir ABŞ və onun Körfəz tərəfdaşları tərəfindən maliyyələşdirilərək düşərgələrin və səhra xəstəxanalarının tikintisinə cavabdeh olacaq. Mənbələrin məlumatına görə, Misir nümayəndələri bu təkliflə bir neçə gün əvvəl tanış olublar.
Bu plan, nəşrin qeyd etdiyi kimi, ABŞ və Misir hakimiyyətinin narahatlığına baxmayaraq, İsrailin Rəfahda HƏMAS-a qarşı hərbi əməliyyat keçirmək niyyətində olduğunu deməyə əsas verir. İsrailin baş naziri Benyamin Netanyahunun ofisi bu məlumatı şərh etməkdən imtina edib. (Tass)