İsrail Livan-İsrail sərhədi yaxınlığında Livanın şiə Hizbullah hərəkatına qarşı hərbi əməliyyatlar keçirməsi barədə ABŞ-ı məlumatlandırıb. Bu barədə Dövlət Departamentinin mətbuat xidmətinin rəhbəri Metyu Miller jurnalistlər üçün keçirdiyi növbəti brifinqdə bildirib.
“Bir sıra əməliyyatlar barədə bizə məlumat verirlər. Mən quru əməliyyatları ilə bağlı məlumat görmüşəm. Bu barədə onlarla söhbətimiz olub. Bu dəfə bizə dedilər ki, bunlar sərhədə yaxın “Hizbullah” infrastrukturuna yönəlmiş məhdud əməliyyatlardır, lakin biz davam edirik. Bu məsələ ilə bağlı danışıqlar aparırlar” deyib.
Miller əlavə edib ki, Vaşinqton regionda atəşkəs səylərini dəstəkləməkdə davam edir, eyni zamanda hərbi təzyiqin tətbiqi diplomatik həlli yaxınlaşdıra biləcəyini müdafiə edir. “Biz bu məqsədə çatmaq üçün israilli və livanlı həmkarlarımızla və dünyanın digər ölkələri ilə əlaqə saxlamağa davam edəcəyik. Lakin eyni zamanda, hərbi təzyiqin bəzən diplomatiyaya kömək edə biləcəyi başqa məqamlar da var”, – deyə rəsmi bildirib. (Tass)
