İsrail hakimiyyəti yəhudi dövlətinin təhlükəsizliyi naminə İranın nüvə proqramı məsələsinin “istənilən vaxt” güc yolu ilə həllini istisna etmir. Bu barədə TASS-a İsrail baş nazirinin ofisinin müşaviri Dmitri Gendelman məlumat verib.
O, İrana qarşı zorakı tədbirlərə əl atmağa hazır olması ilə bağlı sualı cavablandırarkən deyib: “İsrail tərəfi olmadığı sazişlərə bağlı deyil və öz təhlükəsizliyi üçün – istənilən vaxt və istənilən yerdə hərəkət edəcək”.
Bundan əvvəl ABC News öz mənbələrinə istinadən xəbər vermişdi ki, İsrail yaxın günlərdə İrana hərbi zərbə endirə bilər.