İsrail Hərbi Hava Qüvvələrinin qırıcıları bu gün səhər tezdən ölkənin şimal-qərbində Suriya hökumətinin bazalarına zərbələr endirib, Al Mayadeen telekanalı xəbər verir.
Onun sözlərinə görə, təyyarələr Latakiya şəhəri yaxınlığında (Dəməşqdən 320 km aralıda) 132-ci motoatıcı briqadanın dislokasiya ərazisinə hücum edib. Bundan əlavə, Cebladakı 107-ci zirehli briqadanın bazasına da zərbələr endirilib. Bu hava hücumlarının nəticələri və mümkün qurbanlar barədə təfərrüatlar verilmir.
İyulun 16-da İsrail Hərbi Hava Qüvvələri Dəməşq və onun ətrafındakı bir sıra strateji hədəflərə, xüsusilə Suriya Ordusu Baş Qərargah kompleksinə və Əbu Rummana məhəlləsindəki Prezident Sarayına zərbələr endirib. Son hücumlar gecə saatlarında Suriya paytaxtının qərbindəki Mezza hərbi aerodromuna və Əl-Müədəmiyə ətrafında həyata keçirilib. (Tass)