İsrail və ABŞ nümayəndələri Livanda atəşkəsə nail olmaq yollarını müzakirə etmək üçün xüsusi görüş keçirib. Bu barədə İsrailin baş naziri Binyamin Netanyahunun ofisi məlumat yayıb.
Bəyanatda qeyd olunub ki, “İsrail ABŞ-ın rəhbərlik etdiyi təşəbbüsün məqsədlərini bölüşür”. Sənəddə deyilir: “İsrail Amerika tərəfinin bununla bağlı səylərini yüksək qiymətləndirir, çünki ABŞ-ın rolu regionda sabitlik və təhlükəsizliyin təşviqindən ayrılmazdır”.
“The Times of Israel” in məlumatına görə , görüşdə İsrailin strateji planlaşdırma naziri Ron Dermer, ABŞ-ın xüsusi nümayəndəsi Amos Hokşteyn və Milli Təhlükəsizlik Şurasının Yaxın Şərq və Şimali Afrika üzrə koordinatoru Brett Makqurk iştirak edib. (Tass)