İsrailin xarici işlər naziri Eli Koen İspaniyanın baş naziri Pedro Sançesin bəyanatlarına görə İsrail səfirini Madriddən geri çağırdığını bildirib.
İsrailin xarici işlər naziri Eli Koen X sosial şəbəkəsində (keçmiş Twitter) yazıb: “Əsassız ittihamları təkrarlayan İspaniyanın baş nazirinin hədsiz sözlərindən sonra mən İsrailin İspaniyadakı səfirinə zəng edərək məsləhətləşmələr üçün Qüdsə qayıtmasını söylədim”.
Yəhudi dövlətinin xarici işlər nazirliyinin rəhbəri əlavə edib: “İsrail beynəlxalq hüquqa uyğun hərəkət edir və hərəkət edəcək və biz oğurlananların hamısı azad edilənə və Qəzza zolağında Həmas ləğv edilənə qədər müharibəni davam etdirəcəyik”. “7 oktyabr qırğınının və Qəzza zolağındakı hazırkı vəziyyətin yalnız bir günahkarı var, o da İsrail vətəndaşlarına və Qəzza zolağının sakinlərinə qarşı hərbi cinayətlər və insanlıq əleyhinə cinayətlər törədən HƏMAS terror təşkilatıdır. ”, Koen davam edib.
Bundan əvvəl İsrailin baş naziri Benyamin Netanyahunun ofisi bildirib ki, Nazirlər Kabinetinin rəhbəri İspaniyanın baş nazirinin bəyanatlarına görə Eli Kohenə İspaniyanın İsraildəki səfirini danışıq üçün çağırmağı tapşırıb. İspaniyanın baş naziri Pedro Sançes cümə axşamı TVE telekanalına müsahibəsində İsrailin Qəzza zolağında beynəlxalq humanitar hüquqa hörmət etdiyinə şübhə etdiyini bildirib. İspaniyanın baş naziri həmçinin xatırladıb ki, krallığın hakimiyyət orqanları radikal HƏMAS hərəkatının yaraqlılarının hücumlarını pisləyir. (Tass)
