İsrail Müdafiə Qüvvələri Livanla sərhəd bölgələrini atəşə tutarkən ağ fosforlu sursatdan istifadə edib. Bu barədə Livanın “Al Wataniya” agentliyi məlumat yayıb.
Onun sözlərinə görə, hücumlar əsasən əhalinin məskunlaşdığı ərazilərə edilib. Mavi xətt adlanan əraziyə (Livan-İsrail sərhədi) bitişik ərazilər atəşə tutulub. Hücum nəticəsində ölənlər olub, lakin dəqiq sayı açıqlanmayıb.
Oktyabrın 11-də agentlik iddia edib ki, İsrail əsgərləri Livanın cənubunun qərb sektoruna hücumlar zamanı fosforlu sursatlardan istifadə ediblər. Daha sonra İsrailin Moskvadakı səfiri Aleksandr Ben Zvi bəyan edib ki, ölkə fosfor bombalarından istifadə etmir. (Tass)