Qəzza zolağında günahsız dinc sakinləri qətlə yetirən İsraildən bir-birinin ardınca qalmaqallı açıqlamalar gəlir. Məlum olub ki, İsrailin milli təhlükəsizlik naziri Ben-Qvir işğal ordusuna fələstinli qadın və uşaqları güllələmək əmri verib. İfrat sağçı İsrail millət vəkili Vaturi də Qəzzada öldürülən mülki vətəndaşları “terrorçu” adlandırıb və “onlar ölməyə layiqdilər” deyib.
“Qadınları və uşaqları öldürün!”
İsrail Milli təhlükəsizlik naziri İtamar Ben-Qvir Nazirlər Kabinetinin iclasında bu qalmaqallı bəyanatla çıxış edib.
İsrail mətbuatında yer alan xəbərlərə görə, ifrat sağçı və irqçi nazir, “Qadın və uşaqların sərhədə yaxınlaşmasına icazə verə bilmərik, bunu edən hər kəs başına güllə dəyməlidir” deyib.
Daha əvvəl “Qəzzə yandırılsın” çağırışı edən İsrailin ifrat sağçı millət vəkili Nissim Vaturi bir daha İsrailin Qəzzaya hücumlarını müdafiə edib.
O, parlamentdəki çıxışında fələstinlilər üçün “terrorçu” ifadəsini işlədib. “Kim güllə alsa, yəqin ki, buna layiq idi” deyib.