İsrail Müdafiə Qüvvələrinin Baş Qərargah rəisi Qəzza zolağının şimalında hərbi əməliyyatlar başa çatdıqdan sonra başlayacaq əməliyyatın növbəti mərhələsinin planını təsdiqləyib. Bu barədə İsrailin ehtiyatda olan Müdafiə Qüvvələrinin mətbuat katibi Conatan Konrikus “StandWithUs” qeyri-hökumət təhsil təşkilatının efirində çıxışı zamanı bildirib.
“Müharibənin ümumi məqsədi dəyişməz olaraq qalır: biz [radikal Fələstin hərəkatının] HƏMAS-ın bütün hərbi infrastrukturunu məhv etməklə, liderlərini öldürməklə İsrail dövlətinin təhlükəsizliyini bərpa edəcəyik. Onlar ya təslim olacaqlar, ya da tunellərində öləcəklər. Bu, çox sadədir” deyib.
“Oyundan qabağa getməyəcəyəm və nə vaxt, harada və nə etməyi planlaşdırdığımızı söyləməyəcəyəm, amma əməliyyatın məqsədi dəyişməz olaraq qalır. Və IDF bunu həyata keçirməyə çox diqqət yetirir. İDF qərargah rəisi, general-leytenant [ Herzi] Halevi bu gün əməliyyatın növbəti mərhələləri üçün planı təsdiqlədi. İsrail ordusu isə missiyamızı yerinə yetirməyə davam etməyə hazırdır, qadirdir və qərarlıdır”, – Konrikus vurğulayıb.
Bundan əvvəl o, İsrail Müdafiə Qüvvələrinin (İDF) Qəzza zolağının şimalında hərbi əməliyyatlar başa çatdıqdan sonra əməliyyatın yeni mərhələsinə keçəcəyini bildirmişdi. “Biz heç vaxt özümüzü heç bir coğrafi sərhədlə məhdudlaşdırmamışıq. Sadəcə, ilk mərhələdə Qəzzanın şimalında döyüşəcəyimizi dedik”, – Konrikus vurğulayıb. (Tass)