İsrailin Hindistandakı səfirliyi Yeni Dehlidəki diplomatik missiya binası yaxınlığında partlayış baş verdiyini təsdiqləyib. Bu barədə ANI agentliyi diplomatik nümayəndəliyə istinadən məlumat yayıb.
“Biz təsdiq edə bilərik ki, təxminən saat 17:10-da (Bakı vaxtı ilə 15:40 – TASS qeydi) səfirliyin yaxınlığında partlayış baş verib. Polis və təhlükəsizlik xidmətləri hələ də insidentlə bağlı araşdırma aparır”, – agentlik səfirlikdən sitat gətirir.
Bundan əvvəl Yeni Dehli polisi İsrail səfirliyi yaxınlığında partlayışla bağlı siqnal aldığını bildirmişdi. Yeni Dehli Yanğınsöndürmə İdarəsinin rəisi Atul Qanq bildirib ki, hadisə yerində “şübhəli heç nə” hələ tapılmayıb.
Jurnalistlərə danışan hadisə şahidinin sözlərinə görə, o, axşam saat 5 radələrində “yüksək səs” eşidib. “Çıxanda ağacın başından tüstünün qalxdığını gördüm” deyib. (Tass)