İsrailin keçmiş Baş Qərargah rəisi Dan Halutz bildirib ki, İsrail HƏMAS-a qarşı müharibədə uduzub və baş nazir Benyamin Netanyahu vəzifəsini tərk etməlidir. Halutz Qəzzaya hücumların sona çatmasından sonra erkən seçki gözləntisinin olduğunu bildirib.
Halutz İsrailin Kanal 14 televiziyasına müsahibəsində Qəzzaya edilən hücumlardan danışıb. İsrailin HƏMAS-a qarşı müharibədə uduzduğunu vurğulayan Halutz, “qələbə əldə etməyin yeganə yolunun” Netanyahunun vəzifədən getməsi ilə mümkün olacağını bildirib.
Oktyabrın 7-dən Qəzzada qətliam törədən Netanyahuya ölkəsindən də böyük reaksiya gəlir. Bir çox insan, xüsusən də məhbusların ailələri Netanyahunu istefaya çağırır.
Qəzzaya hücumlar bitdikdən sonra İsraildə növbədənkənar seçkilərin keçiriləcəyi dəqiq hesab edilir. İctimai rəy sorğularına görə, mümkün erkən seçkilərdə Netanyahunun kreslosunu itirəcəyi gözlənilir.