İsrailin milli təhlükəsizlik naziri İtamar Ben-Qvir Fələstinin HƏMAS radikal qruplaşmasına qarşı hərbi əməliyyatların bərpa olunmayacağı təqdirdə koalisiya hökumətini parçalayacağı ilə hədələyib. Bu barədə “The Times of Israel” məlumat yayıb.
Parlament koalisiyasında altı mandata və 38 üzvdən ibarət kabinetdə üç portfelə malik ifrat sağçı Otzma Yehudit partiyasını təmsil edən Ben-Qvir, “Müharibəyə son qoymaq hökuməti parçalamağa bərabərdir” deyib.
Keçən həftə Ben-Qvir və onun partiyasından olan digər iki nazir, Qəzzada dörd günlük atəşkəs, fələstinli məhbusların azad edilməsi və humanitar yardımların artırılması müqabilində oktyabrın 7-də İsrailə radikal hücum zamanı alınan girovların mübadiləsinə dair Həmas ilə razılaşmaya qarşı çıxıblar.
Baş nazir Benyamin Netanyahu və İsrailin təhlükəsizlik rəhbərləri israr edirlər ki, İsrail girovları geri qaytarmaq və HƏMAS-ı devirmək kimi ikili məqsədlərini həyata keçirərkən, müvəqqəti atəşkəsdən sonra Qəzzada döyüşlər bərpa olunacaq. (Tass)