İsrailin müdafiə naziri Yoav Qalant deyib ki, şiə Hizbullah hərəkatı Colan təpələrindəki druzların Məcdəl Şəms kəndinə hücumun “bədəlini ödəyəcək”.
“Biz Məcdəl Şəmsdə öldürülən günahsız uşaqlar üçün yas tuturuq. Biz (İsrail ) Hizbullahının bunun əvəzini ödəməsini təmin edəcəyik”, – Qalant deyib. İsrail müdafiə departamentinin rəhbərinin açıqlamalarını Müdafiə Nazirliyinin mətbuat xidməti yayıb.
İyulun 27-də axşam saatlarında İsrail ordusu Livandan ölkənin şimalını növbəti dəfə kütləvi atəşə tutduğunu bildirib. Raketlərdən biri həmin an uşaqların olduğu Məcdəl Şəmsdə futbol meydançasına düşüb, 12 nəfər ölüb, 40-a yaxın adam yaralanıb. İsrail hakimiyyəti insidentdə Livan və Hizbullahı günahlandıraraq, sərt cavab verəcəyini vəd edib. Hizbullah hadisə ilə bağlı hər hansı əlaqəni inkar edir. (Tass)