İsrail Qəzza zolağından Fələstin radikallarına misli görünməmiş cavab zərbəsi vuracaq və bu, 50 ildən sonra xatırlanacaq. Bu barədə Yəhudi Dövlətinin Müdafiə naziri Yoav Qalant bildirib.
“Müharibə qaydaları dəyişib. Qəzza zolağının ödəməli olacağı qiymət çox yüksək olacaq, bu, gələcək nəsillər üçün reallığı dəyişəcək”, – nazir Qəzza zolağı yaxınlığındakı Ofakim şəhərinə səfəri zamanı deyib. Qalantın çıxışının videosunu Müdafiə Nazirliyinin mətbuat xidməti yayıb.
“Biz bu əməliyyatın növbəti 50 il ərzində Qəzza zolağında yadda qalmasını təmin etmək üçün məsuliyyət daşıyırıq və onlar [Həmas] buna başladıqlarına görə peşman olacaqlar”, – deyə Müdafiə Nazirliyinin rəhbəri bildirib.
(Tass)