İsrailin müdafiə naziri Yoav Qalant pilotsuz uçuş aparatı (PUA) vasitəsilə Təl-Əvivin mərkəzinə gecə endirilən zərbədən sonra ölkə daxilində hava hücumundan müdafiənin gücləndirilməsi əmrini verib. Bu barədə nazirliyin mətbuat xidməti məlumat yayıb.
“Dünən gecə baş verən hadisələr fonunda müdafiə sistemlərimizi gücləndirmək üçün lazım olan tədbirləri, həmçinin bu hücuma görə məsuliyyət daşıyanlara qarşı görülməli olan kəşfiyyat və əməliyyat tədbirlərini nəzərdən keçirmək üçün bu səhər vəziyyətin qiymətləndirilməsi iclası keçirdim”, – Gallant deyib.
Nazir vurğulayıb ki, İsrail 9 aydan artıqdır ki, müharibə aparır və bir neçə cəbhədə vuruşur. “2024-cü il müharibə ilə yadda qalıb – biz istənilən istiqamətdə hər hansı bir ssenariyə hazır olmalıyıq”. (Tass)