İsrailin Qəzza şəhəri yaxınlığında endirdiyi aviazərbələr nəticəsində azı 4 nəfər həlak olub. Bu barədə WAFA agentliyi məlumat yayıb.
Agentliyin verdiyi məlumata görə, Əl-Səbra bölgəsinə endirilən zərbə nəticəsində 3 nəfər həlak olub. Əl-Şati qaçqın düşərgəsində yaşayış binasına endirilən hava zərbəsi nəticəsində daha bir fələstinli həlak olub.
Bundan əvvəl bildirilmişdi ki, İsrail ordusunun Qəzza zolağının cənubunda yerləşən Rəfahda yaşayış binalarına endirdiyi zərbələr nəticəsində azı 12 nəfər həlak olub. (Tass)
