Oktyabrın 7-də Yaxın Şərqdə eskalasiya başlayandan İsrailin Qəzza zolağına endirdiyi zərbələrin qurbanlarının sayı 6,5 mini keçib, 17,4 mindən çox yaralı var. Bu barədə anklavın Səhiyyə Nazirliyi məlumat yayıb.
“İsrailin oktyabrın 7-dən Qəzza zolağına təcavüzü nəticəsində həlak olanların sayı 6546 nəfərə çatıb ki, onlardan 2704-ü uşaq, 1584-ü qadın və 364-ü qocadır. Bundan əlavə, 17439 vətəndaş müxtəlif dərəcəli xəsarətlər alıb”, – deyə rəsmi departamentin Facebook-dakı səhifəsi məlumat verib. (Tass)
Agentliyin məlumatına görə, bu həftə ölən və yaralananların 65%-i “İsrailin təhlükəsiz yer olduğunu iddia etdiyi” anklavın cənub hissəsində olub.
