İsrailin Qəzza zolağının müxtəlif bölgələrinə endirdiyi zərbələr nəticəsində azı 8 nəfər həlak olub. Bu barədə Əl-Cəzirə telekanalı məlumat yayıb.
Onun sözlərinə görə, Qəzza zolağının şimalında yerləşən Cəbəliyə qaçqın düşərgəsinə edilən hücumlar nəticəsində 5 nəfər ölüb, bir neçə nəfər yaralanıb. Düşərgənin qərbində yerləşən məktəbə hücum nəticəsində bir nəfər həlak olub.
İsrailin Qəzza zolağının cənubunda yerləşən Rəfah və Xan Yunis şəhərlərinə endirdiyi zərbələr nəticəsində daha iki fələstinli həlak olub. (Tass)
