İsrailin Qəzza zolağında quru əməliyyatı uzun müddətə təxirə salına və ya ümumiyyətlə baş tutmaya bilər. Bu barədə “The Times of Israel” məlumat yayıb.
Nəşrin yazdığına görə, İsrail hərbçiləri Fələstinin radikal HƏMAS hərəkatı tərəfindən girovların azad edilməsi ilə əlaqədar ölkənin siyasi rəhbərliyinin müvafiq qərar qəbul edə bilməyəcəyindən və ya onu əhəmiyyətli dərəcədə ləngitməsindən ehtiyat edir.
Qəzet qeyd edir ki, eyni zamanda, İsrail Müdafiə Qüvvələri 16 gün ərzində 550-dən çox raket zərbəsi endirdikdən sonra Qəzza zolağında quru əməliyyatına və qarşıya qoyulan tapşırıqların yerinə yetirilməsinə tam hazır olduqlarını bəyan edib. (Tass)