İsrail ordusunun 7 oktyabr 2023-cü il tarixindən etibarən Qəzza zolağında həyata keçirdiyi hücumlarda həlak olan fələstinlilərin sayı 26 min 83-ə yüksəlib.
Qəzzanın Səhiyyə Nazirliyi məsələ ilə bağlı yazılı açıqlama verib.
Bəyanatda İsrail Ordusunun son 24 saat ərzində Qəzzada fələstinlilərin evlərinə 19 hücum təşkil etdiyi bildirilib.
İsrailin hücumlarında ölənlərin sayının 183 nəfər artaraq 26 min 83 nəfərə, yaralı sayının isə 64 min 487 nəfərə çatdığı bildirilib.
Hücumların törətdiyi dağıntılara görə hələ də çox sayda insanın dağıntılar altında qaldığı, mülki müdafiə və təcili tibbi yardım qruplarının bu insanlara çatmaqda çətinlik çəkdiyi bildirilir.