İsrailin Təhlükəsizlik Kabineti hökumətə xarici xəbər televiziya kanallarının hərəkətləri ölkənin milli təhlükəsizliyinə zərər verərsə, onları bağlamağa icazə verən qaydaları təsdiqləyib. Bu barədə İsrailin Kan dövlət televiziya və radio şirkəti məlumat yayıb.
Hələlik başqa təfərrüatlar yoxdur. Bu qərar, öz növbəsində , “The Jerusalem Post” qəzetinin yazdığı kimi, İsrailin rabitə naziri Şlomo Karhinin Livanın “Əl Mayadeen” telekanalı və Qətərin “Əl-Cəzirə” telekanalını dəfələrlə ölkədə yayımını dayandırmağa çağırması ilə bağlı xəbərlər fonunda qəbul edilib.
Onun sözlərinə görə, Qətər telekanalı HƏMAS hərəkatına informasiya dəstəyi verir və İsrail hərbçilərini Qəzzadan potensial hücumlar riskinə məruz qoyur. Al Mayadeen-ə gəlincə, nazirin sözlərinə görə, o, Livan şiə quruluşu Hizbullah üçün rupor rolunu oynayır və “hətta onun İranın dəstəyi ilə fəaliyyət göstərən bölmələrindən biri də sayıla bilər”. (Tass)
