İsrailin xarici işlər naziri İsrael Katz şiə Hizbullah hərəkatının müharibə cinayətləri törətdiyini bildirib və İsrailin bu fəaliyyətləri dayandırmaq üçün bütün gücündən istifadə edəcəyinə söz verib.
Katzın sözlərinə görə, Hizbullah lideri Həsən Nəsrullah “İsrail mülki əhalisini təhdid etmək üçün evlərinə və kəndlərinə raketlər və silahlar yerləşdirərək Livan xalqını girov götürüb”. “Bu, açıq-aşkar hərbi cinayətdir və biz bu reallığı qəbul etməyəcəyik və onu dəyişdirmək üçün var gücümüzlə hərəkət edəcəyik”, – o, X sosial şəbəkəsindəki səhifəsində yazıb.
Bundan əvvəl İsrail ordusunun mətbuat xidməti İsrail hərbçilərinin fikrincə, Hizbullah silahlı birləşmələrinin Livanın cənubundakı yaşayış binalarında raket silahlarını gizlətdiyini və İsrailə atəş açmaq üçün yaşayış binalarından necə istifadə etdiyini nümayiş etdirmək üçün videogörüntülər və 3D animasiya yayıb. Bununla əlaqədar olaraq ordu Livanın cənubundakı sakinləri Hizbullahla əlaqəli obyektlərdən uzaq durmağa çağırıb. (Tass)