İsrailin xarici işlər naziri İsrael Katz Livanın “Hizbullah” şiə təşkilatının Kiprə xəbərdarlığının İrandan qaynaqlanan azad dünya deyilən bütün ölkələr üçün təhlükə yaratdığı barədə fikir bildirib. Belə ki, o, Hizbullah lideri Şeyx Həsən Nəsrullahın Kipr hakimiyyətini Livana hücumlar həyata keçirmək üçün öz hərbi bazalarını İsrailə verməkdən çəkinməyə çağıran bəyanatını şərh edib.
“Nəsrullah Kiprə hücumla hədələyir. İran raketləri və ekstremist İslam terrorizmi Avropa ölkələrini və bütün azad dünyanı təhdid edir. Çox gec olmadan İranı indi dayandırmalıyıq”, – Katz X (keçmiş Twitter) yazıb.
Yazıda o, ABŞ dövlət katibinin, Böyük Britaniya, Almaniya, İtaliya və Fransa xarici işlər nazirlərinin eyni sosial şəbəkədəki şəxsi səhifələrini bu mesajın ünvançısı kimi qeyd edib. (Tass)